जिल्लास्थित राजनीतिक दलबाट एक–एक जना प्रतिनिधि, पत्रकार महासंघ पर्साका अध्यक्ष तथा नागरिक समाजका प्रतिनिधि सदस्य र यसबाहेक आवश्यकता अनुसार प्रतिनिधि रहने निर्णय गरिएको छ।

बैठकले सबै प्रकारका मिडिया तथा सामाजिक सञ्जाल प्रयोगकर्तालाई सामाजिक सद्भावमा असर नपुग्ने गरी जिम्मेवार भएर भूमिका निर्वाह गर्न आग्रह गरेको छ। उत्तेजक, भ्रामक वा द्वेष फैलाउने सामग्री प्रकाशन तथा प्रसारण नगर्न पनि अनुरोध गरिएको छ । धार्मिक, सांस्कृतिक र सामाजिक सद्भाव विथोल्ने समूह वा आन्दोलनलाई कानुनी दायरामा ल्याउन स्थानीय प्रशासन सक्रिय रहने निर्णय पनि गरिएको छ।

सबै पक्षले आफ्ना कमजोरीको समीक्षा गर्दै आफ्नो समुदायका व्यक्तिलाई अनुशासन, आत्मसंयम र सद्भाव कायम राख्न प्रेरित गर्ने प्रतिबद्धता जनाएका छन् ।

बैठकमा सहभागी संस्था, दल तथा अभियन्ताहरूले यी निर्णयहरू आफ्ना वेबसाइट तथा फेसबुक पेजमार्फत सार्वजनिक गर्ने र आवश्यक परे विज्ञप्ति जारी गर्ने सहमति पनि गरेका छन्। अहिलेको परिस्थितिलाई सहज बनाउन सबैले आ–आफ्नो स्थानबाट सक्रिय र सकारात्मक भूमिका निर्वाह गर्ने र थप विरोधका कार्यक्रमहरु नगर्ने निष्कर्ष पनि निकालिएको छ ।