उनले तानसेनकै पदम पब्लिक नमुना सामुदायिक विद्यालयबाट एसएलसी उत्तीर्ण गरेका थिए । तानसेनमा नै विज्ञान विषयमा कक्षा १२ पास गरे । काठमाडौंस्थित पुल्चोक इन्जिनियरिङ क्याम्पसबाट मेकानिकल इन्जिनियरिङमा उनले स्नातक गरे ।

अर्थशास्त्र अध्ययन गरेर प्राप्त गरेको ज्ञानलाई पनि प्रयोग गर्न कोसिस गर्ने उनको भनाइ छ । ‘जागिरसँगै समय निकालेर पढेँ । पेसाभन्दा बाहिरको ज्ञान लिउँ भनेर पढेको हो,’ उनले भने, ‘उच्चशिक्षामा स्वअध्ययन ठूलो कुरा हो । नतिजा राम्रो आयो । ज्ञानका लागि पढेको थिएँ । सर्वोत्कृष्ट भए पछि खुसी लागेको छ ।’ 

समय मिलेका बेला आफ्नो रुचिको विषय अध्ययन गर्न उनी सुझाव दिन्छन । ‘कार्यालय समय अघि, पछाडि पढेर नतिजा ल्याएको हुँ । अर्थशास्त्र बुझ्ने रुचि थियो । नयाँ विषयले झन् पास गर्न सकिँदैन भन्ने त्रास भयो । थप धेरै मेहेनत गरियो । इन्जिनियरिङ पढेको भनेर अर्थशास्त्रमा भर्ना नभएको भए राम्रो नतिजा सम्भव थिएन,’ उनी भन्छन् ।