जिल्ला अदालत काठमाडौंले ऐन महरविरुद्ध विद्युतीय कारोबार ऐनको दफा ४७ अनुसारको कसुर ठहर गर्दै एक लाख रुपैयाँ धरौटी माग गरेको थियो ।
काठमाडौँ — विद्युतीय कारोबार ऐन, २०६३ अन्तर्गतको कसुरमा मुद्दा खेपिरहेका नेकपा एमाले नेता ऐन महर एक लाख रुपैयाँ धरौटीमा रिहा भएका छन् ।
जिल्ला अदालत काठमाडौंले महरविरुद्ध विद्युतीय कारोबार ऐनको दफा ४७ अनुसारको कसुर ठहर गर्दै एक लाख रुपैयाँ धरौटी माग गरेको थियो । सोहीअनुसार महरले धरौटी बुझाएपछि अदालतबाट रिहा भएका हुन् । न्यायाधीश उमानाथ गौतमको इजलासले धरौटी माग गर्ने आदेश गरेको थियो ।
तर, सोही कसुरमा महरकी पत्नी अनुजा श्रेष्ठलाई भने साइबर ब्युरोबाट खटिएको प्रहरीले पक्राउ गरेको छ । महर दम्पतीविरुद्ध रश्मिला बमले विद्युतीय कारोबार ऐन, २०६३ को दफा ४७ अन्तर्गत कसुर भएको भन्दै साइबर ब्युरोमा जाहेरी दिएकी थिइन् ।
