रकम लिई सम्पर्कविहीन भएको भन्ने पीडितको उजुरीका आधारमा सुकेधाराबाट उनलाई पक्राउ गरिएको प्रहरीले जनाएको छ ।
काठमाडौँ — वैदेशिक रोजगारीका लागि पोर्चुगल पठाइदिने भन्दै रकम ठगी गरेको अभियोगमा प्रहरीले एक जनालाई पक्राउ गरी आज सार्वजनिक गरेको छ ।
पक्राउ पर्नेमा कञ्चनपुर बेदकोट नगरपालिका–१० घर भई हाल काठमाडौँ महानगरपालिका–२६ बस्ने ३३ वर्षीय भीमबहादुर महर छन् ।
महरले पोर्चुगल पठाइदिने भन्दै एक जनाबाट दुई लाख लिई सम्पर्कविहीन भएको भन्ने पीडितको उजुरीका आधारमा सुकेधाराबाट पक्राउ गरिएको काठमाडौँ उपत्यका अपराध अनुसन्धान कार्यालयका प्रवक्ता एवं प्रहरी उपरीक्षक काजीकुमार आचार्यले बताए ।
उनलाई आवश्यक अनुसन्धान तथा कारबाहीका लागि वैदेशिक रोजगार विभाग ताहाचल काठमाडौँ पठाइएको छ ।
