सुरक्षा स्रोतका अनुसार राष्ट्र, राष्ट्रियता, धर्म, संस्कृति बचाउ महाअभियानका संयोजक दुर्गा प्रसाईंदेखि अख्तियार दुरुपयोग अनुसन्धान आयोगका पूर्व प्रमुख लोकमानसिंह कार्की, आयल निगमका पूर्व प्रमुख गोपाल खड्कासहितका व्यक्तिलाई धम्कीयुक्त इमेल पुगेको थियो।

प्रहरीका अनुसार ‘प्रकाश पाठक’ नाम प्रयोग गर्ने व्यक्तिले उक्त इमेल पठाएको भए पनि कहाँबाट पठाइएको हो भन्ने कानुनी निष्कर्षमा प्रहरी पुग्न सकेको छैन। ती व्यक्तिको आपराधिक पृष्ठभूमि रहेको सूचना पाएपछि प्रहरीले भीपीएन प्रयोग गरेर इमेल गरिएको हुनसक्ने आकलन गरेको छ। यो घटनामा प्रहरीको साइबर व्युरोले पनि थप अनुसन्धान गरिरहेको छ । 

अनुसन्धानमा संलग्न एक प्रहरी अधिकारीले भने, ‘लोकेसन भारत देखिएको भए पनि ती व्यक्ति त्यहीँ नहुन सक्छन्।’ सो व्यक्तिले आफू भारतमा रहेको र आफूलाई कसैले समात्न नसक्ने दाबीसबन्धी कुरा केही व्यक्तिसँग गरेको जानकारी पनि प्रहरीले संकलन गरेको छ।