काठमाडौँ —  नेपाली सेनाका रथी गणेशकुमार श्रेष्ठ संयुक्त राष्ट्रसंघीय शान्ति मिसनअन्तर्गत अबेईमा खटिएको टोलीको फोर्स कमान्डर नियुक्त भएका छन् । संयुक्त राष्ट्र संघका महासचिव एन्टोनियो गुटेरसले उनलाई नयाँ फोर्स कमान्डर नियुक्त गरेका हुन् ।

यसअघि यो जिम्मेवारीमा घानाका मेजर जनरल रोबर्ट याब अफ्रामले सम्हाल्दै आएका थिए ।

श्रेष्ठ २ कात्तिक २०८२ मा रथीमा बढुवा भएका थिए । ३६ वर्ष सैनिक पेसामा बिताएका उनले यसअघि दक्षिण सुडानमा अनमिस मिसनमा सेक्टर इस्ट कमान्डरका रूपमा समेत काम गरेका छन् ।

श्रेष्ठले वीरेन्द्र सैनिक अस्पतालमा प्रशासनिक रजिस्ट्रार, जंगीअड्डामा नीति तथा योजना निर्देशनालय प्रमुख र १६ र ९ नम्बर बाहिनीको कमान्डरका रूपमा काम गरिसकेका छन् ।