प्रेस काउन्सिललको अध्यक्षमा वरिष्ठ अधिवक्ता नियुक्त भएको यो पहिलो पटक होइन यसअघि २०६९ मा बोर्णबहादुर कार्की अध्यक्ष भएका थिए । 

को हुन् आचार्य ?

दाङमा जन्मिएका आचार्य २०४० सालमा अधिवक्ता भएका थिए । त्यस्तै उनी २०६९ सालमा वरिष्ठ अधिवक्ता बनेका थिए । २०५१ सालमा नेपाल बार काउन्सिलको कार्यकारी समितिमा रहेका आचार्यले २०६० सालको कार्यसमितिमा उपाध्यक्ष रहेर पनि काम गरे । 

लामो समय नेपालगन्जलाई कर्मथलो बनाएर काम गरेका उनी हाल पूर्णकालीन वकालत पेसामा आबद्ध छन् । आचार्य हाल ए.एच.एन. लिगलका सक्रिय वरिष्ठ साझेदारका रूपमा कार्यरत छन् । चार दशकदेखि वकालत पेसामा सक्रिय आचार्यसँग मेलमिलाप परिषद्‍मा कार्य गरेको अनुभव छ । 

त्यस्तै आचार्यले यूएसएड, द एसिया फाउन्डेसन, यूएनडीपी, नेपाल सरकार र नेसनल बिजनेस इनिसिएटिभलगायत प्रतिष्ठित अन्तर्राष्ट्रिय र राष्ट्रिय संस्थाहरूमा परामर्शदाताका रूपमा काम गरेका छन् ।