काठमाडौँ — राष्ट्रिय अनुसन्धान विभागका तत्कालीन प्रमुख हुतराज थापालाई उपत्यका छाड्न नदिने गरी जाँचबुझ आयोगले गरेको निर्णय फिर्ता भएको छ । 

जेन-जी आन्दोलनमा राज्यपक्षले गरेको दमनबारे छानबिन गर्न गठित उच्चस्तरीय जाँचबुझ आयोगले १२ असोजमा उनलाई उपत्यका छाड्न नपाउने गरी प्रतिबन्ध लगाएको थियो । विदेश भ्रमणमा समेत रोक लगाइएको थियो । 

तर, १५ मंसिरमा उनीमाथि लगाइएको प्रतिबन्ध फुकुवा गरिएको छ । आयोगले उनको बयान लिइसकेकाले प्रतिबन्ध फुकुवा गरिएको बताएको छ । नेपाल प्रहरीका महानिरीक्षक (आईजीपी) चन्द्रकुवेर खापुङलाई भने अझै प्रतिबन्ध कायमै छ ।