उडानमा रहेको जहाजमा फोटो/भिडियोग्राफी गरेर उडान सुरक्षा सञ्चालन नियम उल्लंघन गरेको आरोपमा क्याप्टेन विजय लामा र सोनी राणालाई ग्राउन्डेड गरिएको हो
काठमाडौँ — उडान सञ्चालन नियम उल्लंघन गरेको अभियोगमा नेपाल नागरिक उड्डयन प्राधिकरणले नेपाल वायुसेवा निगगका दुई पाइटललाई ग्राउन्डेड (कारबाही) गरिएको छ ।
प्राधिकरणको फ्लाइट अपरेसन डिभिजनद्वारा शुक्रबार निगमलाई पत्राचार गर्दै निगमको वाइडबडीका क्याप्टेन विजय लामा र सोनी राणालाई उडानमा रहेको जहाजमा फोटो/भिडियोग्राफी गरेर उडान सुरक्षा सञ्चालन नियम उल्लंघन गरेको आरोपमा दुवै पाइलटलाई अर्को निर्णय नहुन्जेलसम्मका लागि रोस्टर–अफ गरिएको छ ।
निगमको फ्लाइट अपरेसन डिभिजन प्रमुख पाइलट संगम कार्कीले हस्ताक्षर गरेको निर्देशनमा दुवै पाइलटलाई अर्को सूचना जारी नभएसम्मका लागि सक्रिय उडान ड्युटीमा सहभागी नगराउन उल्लेख गरिएको छ । नेपालको उड्डयन नियमले दुवै पाइलटहरुका गतिविधिलाई प्रचलित सुरक्षा नियमविरुद्ध मानिन्छ । हाल निगममा करारमा कार्यरत युट्युबरसमेत रहेका क्याप्टेन लामालाई यही अभियोगमा प्राधिकरणले चौथो पटक कारबाही गरेको हो ।
१८ महिनाअघि यस्तै अभियोगमा ग्राउन्डेड गरिएका क्याप्टेन लामाले माफी मागेपछि कारबाही फुकुवा गरिएको थियो । प्राधिकरणले क्याप्टेन लामाले जहाज टेकअफ/ल्यान्डिङमा पनि भिडियोग्राफी गरेको उजुरी परेकाले त्यसमा पनि छानबिन हुने जनाएको छ ।
सम्बन्धित समाचार
