नेपाली केही किशोरीलाई राखेर म्यारिज ब्युरो सञ्चालनसहितका अवैध गतिविधि गर्ने गरेको सूचनापछि विभागको टोली प्रहरीको सहयोगमा त्यहाँ पुगेको थियो । त्यसपछि खानतलासी गर्दा दुई जना भिसा गुजारेर बसेको र अरु दुईजना भिसा दुरुपयोग गरी गैरकानुनी गतिविधिमा संलग्न रहेको भेटिएको थियो । त्यसपछि अनुसन्धान गर्दा एउटा प्रयोजनमा भित्रिएर अरु नै गतिविधि गर्ने गरेको पाइएपछि चारैजनालाई जनही ५० हजार जरिवाना र ३ वर्ष नेपाल प्रवेश गर्न नपाउने गरी निष्कासन गर्न मन्त्रालयमा सिफारिस गरिएको विभागले जनाएको छ ।

अध्यागमन कानुन उल्लंघन गरी नेपालमा बसेर गैरकानुनी गतिविधि गरेको भेटिए अध्यागमन ऐन २०४९ को दफा ९ मा त्यस्ता विदेशी नागरिकलाई निश्चित अवधि तोकेर तोकिएको जरिवाना असुल र निश्चित अवधिसम्म नेपाल भित्रिन नपाउने गरी निष्कासन गर्न सकिने व्यवस्था छ । नेपालमा छिरेका कतिपय चिनियाँ नागरिक विदेशी मुद्रा तथा सुन तस्करी, वन्यजन्तु तस्करी, अवैध कल बाइपासलगायतका अपराधमा मुछिँदै आएका छन् । पछिल्लो पटक पक्राउ परेका चारजनाले म्यारिज ब्युरो सञ्चालनको आडमा गैरकानुनी गतिविधि गर्दै आएको भेटिएको छ । कतिपय चिनियाँ पर्यटक भिसामा भित्रिएर अवधि सकिएर पनि ओभर स्टेमा रहने गरेका छन् ।