शनिबार मुख्य सडकछेउ पोको पारेर राखिएको अवस्थामा महिलाको शव भेटिएको थियो ।
काठमाडौँ — काठमाडौंको नयाँ बसपार्कमा प्लास्टिक र तन्नाले बेरेको अवस्थामा बेवारिस शव फेला परेको प्रकरणमा प्रहरीले एक जनालाई नियन्त्रणमा लिएको छ ।
प्रहरीले थप सोधपुछ भइरहेको भन्दै विस्तृत खुलाएको छैन । शनिबार मुख्य सडकछेउ पोको पारेर राखिएको अवस्थामा महिलाको शव भेटिएको थियो ।
ती महिलाको हत्या भएको प्रारम्भिक अनुसन्धानबाट खुलेको छ । हत्या किन र कसरी भयो भन्ने विषयमा अनुसन्धान भइरहेको एक प्रहरी अधिकृतले बताए ।
