मुस्ताङ र म्याग्दीको सिमानामा फसेका ३ जना स्वदेशी र १२ जना विदेशी पर्यटक गरी १५ जनाको उद्धारको पहल भइरहेको सशस्त्र प्रहरी बलले जनाएको छ ।
काठमाडौँ — हिमपातको कारण म्याग्दीको धौलागिरि सर्किट हुँदै मुस्ताङ जाँदै गरेका पर्यटकको उद्धारका लागि नेपाली सेना, सशस्त्र प्रहरी र नेपाल प्रहरीको संयुक्त टोली खटिएको छ ।
मुस्ताङ र म्याग्दीको सिमानामा फसेका ३ जना स्वदेशी र १२ जना विदेशी पर्यटक गरी १५ जनाको उद्धारको पहल भइरहेको सशस्त्र प्रहरी बलले जनाएको छ ।
ट्राभल्स एजेन्सीद्वारा सुरक्षा निकायलाई जानकारी गराएपश्चात उद्धारका लागि सुरक्षा संयन्त्र परिचालित भएको सशस्त्र प्रहरीका सहप्रवक्ता शैलेन्द्र थापाले बताए ।
उनका अनुसार, पर्यटक फसेको ठाउँमा पुग्दा सदरमुकामदेखि एकदिन पैदलयात्रा गर्नुपर्छ ।
