क्याप्टेन खड्काले भने : म ठीक छु, अस्पताल जानु पर्दैन
काठमाडौँ — लोबुचेमा अल्टिच्युड एयरको हेलिकप्टर दुर्घटनामा परेपछि लुक्ला विमानस्थलले रामेछाप र काठमाडौंका लागि हुने नियमित उडानहरू रोकेको छ । अल्टिच्युडको हेलिकोप्टर दुर्घटनापछि दुई वटा उद्धार उडान भएका थिए ।
‘अहिले नौ बजे यहाँको मौसम खुल्ने र खराब हुने भइरहेको छ । त्यसैले मौसममा सुधार नआएसम्मका लागि उडान रोकेका छौँ । मौसममा सुधार आएलगत्तै नियमित उडान र हेलिकोप्टर चार्टर उडान सुरु हुने छन,’ विमानस्थलप्रमुख जेनिश राजभण्डारीले कान्तिपुरसँग भने ।
क्याप्टेन खड्काले भने : म ठीक छु, अस्पताल जानु पर्दैन
विमानस्थल प्रमुख जेनिश राजभण्डारीका अनुसार, अल्टिच्युड एयरको हेलिकोप्टर दुर्घटनामा परेका क्याप्टेन विवेक खड्कालाई लुक्लामै रहेको कैलाश एयरको हेलिकोप्टरले उद्धार गरेर लुक्ला विमानस्थलमा ल्याइसकेको छ ।
‘क्याप्टेन विवेक खड्का लुक्ला आइपुग्नु भएको छ । उहाँ हेलिप्याडमा हिँडिरहनु भएको छ । अस्पताल जानु पर्दैन भन्नु भएको छ । उहाँको स्वास्थ्य ठीक छ,’ विमानस्थल प्रमुख राजभण्डारीले भने ।
