काठमाडौँ — भदौ २३ र २४ को घटना जाँचबुझ समितिले नख्खु कारागारलाई पत्र लेख्दै राष्ट्रिय स्वतन्त्र पार्टीका सभापति रवि लामिछानेसहित बाहिरिएका कैदीहरुको बारेमा विस्तृत विवरण माग गरेको छ ।समितिले २४ भदौमा उक्त कारागारबाट कति कैदीबन्दी बाहिरिएको हो ? कुन आधारमा रिहा गरिएको हो त्यसको विस्तृत विवरण र फरार भएको भए त्यसको पनि विवरण उपलब्ध गराइदिनु भनी पत्र लेखेको हो । 

जाँचबुझ आयोग स्रोतका अनुसार रास्वपाका सभापति लामिछानेको नामै उल्लेख गरी नख्खु कारागारलाई पत्र पठाइएको हो । त्यस्तै, उक्त दिन कारागारबाट कति क्षति भएको छ र कति कैदीहरु फर्केका छन् त्यसको विवरण पनि पठाउन भनेको छ । त्यस्तै, समितिले देशभरका कारागारबाट कति कैदीहरु बाहिरिएका हुन् त्यसको विवरण कारागार विभाग र गृह मन्त्रालयबाट उपलब्ध गराइदिनु भनि आयोगले पत्र लेखेको छ । आयोगका प्रवक्ता विज्ञानराज शर्माले नख्खुसहित देशभरका कारागारलाई पत्र लेखिएको बताए । उनले २३ र २४ गतेको आन्दोलनका क्रममा कुन कुन कारागारबाट कति कैदी फरार भएका हुन् र घटनाक्रमहरु पनि उल्लेख गरी विस्तृत विवरण पठाइदिन पत्र लेखिएको बताए ।