संघले जनसाधारणलाई आवश्यक परेमा फेसबुक पेजमा प्रदान गरिएको सम्पर्क नम्बर वा सूचनामार्फत तत्काल जानकारी गराउन आग्रह गरेको छ ।

पर्यटन क्षेत्रका तीन संस्थासँगै नेपाल राष्ट्रिय पर्वतारोहण पथपर्दशक संघले पनि आफ्ना दक्ष गाइडहरू परिचालन गरेको जनाएको छ ।  

यसैबीच, नेपाल राफ्टिङ एसोसिएसन (नारा)ले नदीजन्य विपद्मा उद्धार र सहयोगका लागि मातहतका सबै कम्पनीहरू तयारी अवस्थामा रहेको जनाएको छ । नारा अध्यक्ष कमलबहादुर ठकुरीका अनुसार, काठमाडौं उपत्यका र आसपासका क्षेत्रहरूमा राफ्टिङ बोटमार्फत उद्धार आवश्यक परेमा संघका आधिकारिक फेसबुक पेज वा वेबसाइटमा उपलब्ध सम्पर्क नम्बरहरूमा सिधा सम्पर्क गर्न सकिनेछ ।

संघले उद्धार कार्यका लागि उपाध्यक्ष शुकबहादुर लामा, निवर्तमान अध्यक्ष शिव अधिकारी, पूर्वअध्यक्षहरू चन्द्रबहादुर दाहाल, महेन्द्रसिंह थापा, पूर्वउपाध्यक्ष मेघबहादुर आले, महासचिव चुरामणि अर्याल, सचिव देवराज जैशी र अध्यक्ष कमलबहादुर ठकुरीसँग प्रत्यक्ष सम्पर्क गर्न सकिने जनाएको छ ।

नाराले जारी गरेको विज्ञप्तिमा भनिएको छ, 'नदी किनार र तटीय क्षेत्रमा बसोबास गर्ने नागरिकले सतर्कता अपनाउनुपर्नेछ। आवश्यक परेमा हामी उद्धारका लागि सधैं तयार छौं ।'

जल तथा मौसम विज्ञान विभागका अनुसार, देशका विभिन्न भागमा भइरहेको भारी वर्षा आगामी तीन दिनसम्म निरन्तर रहने सम्भावना छ । सम्भावित जोखिम र विपद् न्यूनीकरणका लागि उद्धार संयन्त्रहरू उच्च सतर्कतामा रहेका छन् ।