विभागले त्यहाँको तटीय क्षेत्रमा २ देखि ५ मिटर सम्म पानीको सतह बढ्ने चेतावनी दिएको छ । अन्तर्राष्ट्रिय सञ्चारमाध्यम रोयर्टसका अनुसार, आँधी नजिकिँदै गर्दा हङकङ अन्तर्राष्ट्रिय विमानस्थल ३६ घण्टासम्म बन्द हुने भनिएको छ ।

यसले ठूलो मात्रामा उडानहरू प्रभावित हुने अनुमान गरिएको छ । मंगलबार साझदेखि नै धेरै अन्तर्राष्ट्रिय उडान रद्द वा स्थगित हुन थालेका छन् । त्यस्तै हङकङ र दक्षिण चीन क्षेत्रमा हावाहुरीले समुद्री तथा हवाई यातायातमा व्यापक असर पार्ने प्रक्षेपण गरीएको छ । 

मंगलबार रातिसम्मकालागि सूचना जारी गर्दै हङकङले सार्वजनिक यातायात, विद्यालय तथा व्यावसायिक गतिविधि ठप्प हुने चेतावनी दिएको छ । निगमले हङकङ–काठमाडौं सेक्टरका यात्रुहरुलाई आफ्ना उडानबारे निगमको आधिकारिक वेबसाइट र सामाजिक संजालका पेजमार्फत अद्यावधिक जानकारी लिन आग्रह गरेको छ । निगमले सातामा मंगलबार, विहीबार र शनिबार यो सेक्टरमा उडान गर्दै आइरहेको छ ।