विश्वकर्मा मन्दिरनजिक सडक हिलाम्मे भएकाले गाडीको जाम दुम्कीबास र जंगलसम्म आइपुगेको छ ।
नवलपरासी — वर्षापछि हिलाम्मे भएकाले पूर्व-पश्चिम राजमार्गअन्तर्गतको दाउन्ने सडकखण्ड अवरुद्ध भएको छ । दाउन्नेको विश्वकर्मा मन्दिरनजिक सोमबार रातिदेखि नै सडक अवरुद्ध भएको छ ।
स्थानीय बासिन्दा सुनिल खनालका अनुसार दुम्कीबासदेखि करिब ४ किलोमिटर पश्चिममा पर्ने विश्वकर्मा मन्दिरनजिक सडक हिलाम्मे भएकाले गाडीको जाम दुम्कीबास र जंगलसम्म आइपुगेको छ ।
प्रहरीले राजमार्ग खुलाउन ग्राभेल राख्ने र सम्याउने काममा सडक विभागका प्राविधिकलाई खटिएको जानकारी दिएको छ ।
