'विकृति अन्त्य गर्न सूचनामा बिर्को लगाउने हैन'
काठमाडौँ — एमालेका सांसद तथा पूर्वमन्त्री गोकुलप्रसाद बास्कोटाले सामाजिक सञ्जाल नियमन गर्नुको सट्टा प्रतिबन्ध लगाउने कार्य सरकारबाट भएको भन्दै विरोध जनाएका छन् ।
सरकारले बिहीबार २६ वटा सामाजिक सञ्जाललाई नेपालमा प्रतिबन्ध लगाउने निर्णय गरेपछि बास्कोटाले विरोध जनाएका हुन् । सामाजिक संजालमार्फत उनले विकृतिको अन्त्य गर्ने गलत बाटो अपनाएको लेखेका छन् ।
बास्कोटाको भनाइ छ, 'नियमन प्रविधिको प्रबन्ध मिलाउने र कानुन बनाउने भनेको थिएँ मैले । तर सरकारले नर्थ कोरिया (उत्तर कोरिया) पो बनाउने भएछ । विकृति अन्त्य गर्न सूचनामा बिर्को लगाउने हैन नि !,' बास्कोटाले भनेका छन् ।
