उनले दुवै देशबीचको सांस्कृतिक सम्बन्धलाई उजागर गर्नुपर्ने र बौद्ध धर्म दुवै देश र जनताबीच सम्बन्ध विस्तारको कडी रहेकोमा जोड दिइन् । गौतम बुद्धको जन्मस्थल लुम्बिनी भ्रमणमा धेरै भियतनामी नागरिक आउने गरेको प्रसंग उल्लेख गर्दै मन्त्री राणाले सांस्कृतिक पर्यटन प्रवर्द्धनका क्षेत्रमा दुवै देश मिलेर काम गर्न सक्ने पनि बताइन् । भियतनामबाट नेपालका भैरहवास्थित गौतमबुद्ध अन्तर्राष्ट्रिय विमानस्थल र पोखरा विमानस्थलमा सिधा उडानको वातावरण निर्माणका लागि पनि उनले आग्रह गरेकी थिइन् । 

मन्त्री राणाले नेपाल सन् २०२६ पछि अतिकम विकसित राष्ट्रबाट स्तरोन्नतिको तयारीमा रहेकाले त्यसपछिको अवस्थामा आवश्यक सहयोगका लागि पनि आग्रह गरिन् । नेपालले सन् २०२७ देखि २०२९ सम्मका लागि मानवअधिकार परिषद्को सदस्य र २०२९ देखि २०३१ सम्मका लागि आर्थिक तथा सामाजिक परिषद् सदस्यमा उम्मेदवारी दिएकाले त्यसमा सहयोगका लागि पनि उनले आग्रह थिइन् । उपराष्ट्रपति सुआनले नेपाललाई सहयोग गर्ने प्रतिबद्धता व्यक्त गरेको परराष्ट्रले जनाएको छ । उपराष्ट्रपति सुआन सोमबार भियतनाम फर्किनेछिन् ।