काठमाडौँ — पछिल्ला चार दिनमा मात्रै कुवेतमा कार्यरत ९ नेपाली सहित १६ जना श्रमिकको मृत्यु भएको छ । उनिहरुको मृत्यु विषाक्त मदिरा सेवनका कारण भएको हुनसक्ने बताइएपनि प्रस्ट आइसकेको छैन् । कुवेतस्थित नेपाली दूतावासका श्रम सहचारी गिरीप्रसाद आचार्यका अनुसार मृत्यु भएकाहरुको पोस्टमार्टम रिपोर्ट नआइसकेकाले मृत्युको यकिन कारण खुल्न सकेको छैन । दुतावासका अनुसार मृत्यु हुन कुल कामदारको संख्या भने १६ पुगीसकेको छ ।

दूतावासका अनुसार मृत्यु हुने सबैजसो कामदारहरू सुलेमिया क्षेत्रमा रहेको विभिन्न कम्पनीमा कार्यरत थिए । अस्वस्थ भएका १५ नेपाली श्रमिकको भने विभिन्न चार अस्पतालमा उपचार भइरहेको छ ।

जसमा दूतावासले समन्वय गरिरहेको आचार्यले बताए । दूतावासले मृत्युको कारण खोज्न कुवेतस्थित सम्बन्धित सरकारी कार्यलयसँग पनि संवाद सुरु गरिसकेको जनाएको छ ।