काठमाडौँ — संघीय निजामती सेवा विधेयकमा ‘कुलिङ अफ पिरियड’को व्यवस्था हेरफेर गरिएको विषयमा गठित संसदीय छानबिन समितिको बैठक सुरु भएको छ । सभामुख देवराज घिमिरेको उपस्थितिमा संसद् भवन नयाँ बानेश्वरमा समितिको बैठक सुरु भएको हो । 

संघीय निजामती सेवा विधेयकमा ‘कुलिङ अफ पिरियड’को व्यवस्था हेरफेर गरिएको विषयमा छानबिन गर्न सोमबार ७ सदस्यीय विशेष समिति गठन भएको थियो । समितिको संयोजकमा कांग्रेस सांसद जीवन परियार रहेका छन् ।

सभामुख देवराज घिमिरेले प्रतिनिधिसभाको सोमबारको बैठकमा उक्त समितिको घोषणा गरेका हुन । समितिलाई छानबिनका लागि २१ दिनको समय दिइएको छ । यो समितिलाई ४ बुँदे कार्यादेश दिइएको छ ।

तस्बिर : अंगद ढकाल/कान्तिपुर