मन्त्रिपरिषद्को बैठकले गरेका अन्य निर्णयहरू:

• मत्स्यपालन अनुदानसम्बन्धी विश्व व्यापार सङ्गठन सम्झौता अनुमोदनका लागि सङ्घीय संसद्मा पेस गर्न स्वीकृति दिने ।
• वैदेशिक रोजगार न्यायाधिकरणको अध्यक्ष पदमा उच्च अदालत पाटन, हेटौँडा इजलासका माननीय न्यायाधीश डा. शान्ता सेढाईं सापकोटालाई तोक्ने ।
• सत्य निरूपण तथा मेलमिलाप आयोगका सचिव पाराश्वर ढुङ्गानालाई कानुन, न्याय तथा संसदीय मामिला मन्त्रालयको सचिव पदमा सरुवा गर्ने ।
• सशस्त्र प्रहरी नायव महानिरीक्षक गणेशबहादुर ठाडा मगरलाई सशस्त्र प्रहरी अतिरिक्त महानिरीक्षक पदमा बढुवा गरी पदस्थापन गर्ने ।
• २०८२ असार १६ देखि २१ गतेसम्म सम्माननीय प्रधानमन्त्री केपी शर्मा ओलीको नेतृत्वमा स्पेनको औपचारिक भ्रमणमा सहभागी हुने नेपाली प्रतिनिधिमण्डल गठन गर्ने ।
• नेपाल सरकारको नाममा दर्ता रहेको १० रोपनी जग्गा १५ शय्याको अस्पताल निर्माण गर्न तनहुँको आँबुखैरेनी गाउँपालिकालाई प्रयोग गर्न स्वीकृति दिने ।
• जिल्ला आयुर्वेद स्वास्थ्य केन्द्र चितवनलाई २ बिघा १३ कठ्ठा १५ धुर सार्वजनिक प्रकृतिको जग्गा सय शय्याको आयुर्वेद अस्पताल निर्माणका लागि प्रयोग गर्न स्वीकृति दिने ।
• २०८२ असार १३ देखि १५ गतेसम्म टर्कीमा आयोजना हुने 'ग्लोबल ट्रान्सपोर्ट कनेक्टिभिटी फोरम २०२५' कार्यक्रममा भौतिक पूर्वाधार तथा यातायात मन्त्री देवेन्द्र दाहाललाई सहभागी गराउने ।
• २०८२ असार ३ र ४ गते दुबईमा आयोजना हुने खेलकुदमा एन्टी–डोपिङ (AORIM) सम्बन्धी २०औँ एशिया–ओशिनिया क्षेत्र अन्तरसरकारी मन्त्रीस्तरीय बैठकमा युवा तथा खेलकुद मन्त्री तेजुलाल चौधरीलाई सहभागी गराउने ।
• २०८२ असार ९ र १० गते भारतको पुणेमा आयोजना हुने नेपाल–भारत द्विपक्षीय परामर्श समूहको सोह्रौँ बैठकमा सहभागी हुने नेपाली प्रतिनिधिमण्डल गठन गर्ने ।
• मिलेनियम च्यालेन्ज एकाउन्ट नेपाल विकास समिति (एमसिए) लाई ४०० के.भी. डबल सर्किट विद्युत् प्रसारणलाइन आयोजनाका लागि नवलपरासी (बर्दघाट सुस्ता पश्चिम) जिल्लाको सुनवल, रामग्राम र बर्दघाट नगरपालिकामा रहेको ४३.६६ हेक्टर राष्ट्रिय वन प्रयोग गर्न स्वीकृति दिने ।
• २०८२ असार २३ देखि २७ गतेसम्म स्वीट्जरल्याण्डको जेनेभामा आयोजना हुने 'वल्र्ड समिट अन द इन्फर्मेसन सोसाइटी फोरम हाइ लेभल इभेन्ट तथा एआई फर गुड ग्लोबल समिट २०२५' कार्यक्रममा सञ्चार तथा सूचना प्रविधिमन्त्री पृथ्वीसुब्बा गुरुङलाई सहभागी गराउने ।
• २०८२ असार ९ देखि १३ गतेसम्म थाइल्याण्डको बैंककमा आयोजना हुने 'थर्ड मिनिस्ट्रियल कन्फरेन्स अन सिभिल रजिस्ट्रेसन एण्ड भाइटल स्ट्याटिस्टिक्स इन एशिया एण्ड द प्यासिफिक' कार्यक्रममा स्वास्थ्य तथा जनसङ्ख्यामन्त्री प्रदीप पौडेललाई सहभागी गराउने ।
• इन्टरनेशनल बिग क्याट एलाइन्सको सदस्यता प्राप्त गर्न स्वीकृति दिने ।
• नेपाल प्रशासन सेवा समूहीकरणतर्फको राजपत्राङ्कित विशिष्ट श्रेणीको रिक्त पदमा सहसचिव डा. खगेन्द्रप्रसाद सुवेदीलाई बढुवा गर्ने ।
• प्रधानमन्त्री तथा मन्त्रिपरिषद्को कार्यालयका सहसचिव निर्मला अधिकारी भट्टराईलाई सत्य निरूपण तथा मेलमिलाप आयोगको सचिव पदमा कायममुकायम नियुक्त गर्ने ।