नवलपरासी — पूर्व–पश्चिम महेन्द्रराजमार्ग अन्तर्गत कावासोती दुम्कीबास खण्डको बीचमा पर्ने चोरमारामा पुल भाँच्चिएको छ । पुल भाँच्चिएपछि अलपत्र परेका सवारी साधनलाई वैकल्पिक सडकबाट वारपार गराइएको छ  । भाँच्चिएको पुलमा जोखिमलाई ध्यानमा राख्दै यातायात आवागमन रोकिएको छ ।

जिल्ला प्रहरी उपरीक्षक यादव ढकालका अनुसार चोरमारा बजारबाट केही तल हुँदै गाडी वारपार गराइएको छ । चोरमारा बजारबाट दक्षिणमा रहेको नवजागरण क्याम्पस नजिकबाट गाडी पूर्व–पश्चिम जाने वैकल्पिक सडकबाट गाडी वारपार गराइएको छ । साना र यात्रुवहाक गाडीलाई प्राथामिकतामा राखेर यातायात सञ्चालन गराइएको उनले जानकारी दिए ।

२०३१ सालमा निर्माण गरिएको जीर्ण फलामे पुल सोमबार राति करिब १० बजे लच्किएपछि त्यहाँ यातायात आवागमन बन्द गराइएको हो । नारायणगढदेखि ४२ किलोमिटर पश्चिममा रहेको फलामे पुल लच्किएका कारण राजमार्ग अवरुद्ध भएको थियो ।

महेन्द्रराजमार्ग अन्तर्गत पूर्वी नवलपरासीकै दुम्कीबासको फलामे पुल भाँच्चिएको ४ महिनापछि त्यस्तै प्रकृतिको चोरमारा पुल भाँच्चिएको हो ।

चोरमारामा वैकल्पिक मार्गबाट यातायात सञ्चालन

चोरमाराको पुल भाँच्चियो, पूर्व-पश्चिम राजमार्ग ठप्प