काठमाडौँ — वन तथा वातावरण मन्त्रालयले १२ वटा निर्देशिका तथा कार्यविधि खारेज गरेको छ । मन्त्रालयले छ वटा निर्देशिका र छ वटा कार्यविधि खारेज गरेको हाे । 

विभिन्न मितिमा स्वीकृत भई कार्यान्वयनमा रहेका निर्देशिका तथा कार्यविधि खारेज गरिएको मन्त्रालयद्वारा जारी सूचनामा भनिएको छ । चैत १७ मा गरिएको मन्त्रिपरिषद्को निर्णयअनुसार समय सापेक्षता, आवश्यकता तथा औचित्यको आधारमा निर्देशिका तथा कार्यविधि खारेज मन्त्रालयले जानकारी दिएको हो ।

खारेज गरिएको निर्देशिकाहरूमा सुनाखरी संकलन तथा खेती विकास (कार्यविधि) निर्देशिका, २०६९, जिल्ला वन क्षेत्र समन्वय समितिको गठन सञ्चालन निर्देशिका, २०६८, निजी वन विकास निर्देशिका, २०६८, गैरसरकारी सेवा प्रदायकबाट सेवा प्राप्ती सम्बन्धी निर्देशिका, २०६१, अनुसन्धान कार्यविधि, २०६९ र वन विकास कोष स्थापना तथा सञ्चालन कार्यविधि निर्देशिका, २०६४ छन् ।