काठमाडौँ — स्वतन्त्र विद्यार्थी युनियनको निर्वाचनमा पुल्चोक क्याम्पसमा स्वतन्त्र उम्मेदवारको रुपमा निर्वाचित भएपछि स्वयं श्रेष्ठलाई भ्याइनभ्याइ छ । धेरैले उनको जीतको अर्थ खोतल्न खोजीरहेका छन् भने कतियपयले मूलधारका दलका भ्रातृ संगठनलाई उनले कसरी पराजित गर्न सके भनेर जान्न चाहिरहेका छन् ।

कान्तिपुरको भिडियो कुराकानीमा हामीले उनलाई यही कुरा सोध्यौं । उनले पछिल्लो दुई वर्ष स्ववियु सदस्यको रुपमा विद्यार्थीको पक्षमा काम गरेकाले नै आफुले मत पाएको बताए । भने, ‘कुनै पनि व्यक्ति छान्न मुख्य दुई कुराले भूमिका खेल्दो रहेछ । उसको विचार के छ ? उसको पृष्ठभूमि के छ ? भन्ने कुरा महत्वपूर्ण रहेछ । विद्यार्थी स्वतन्त्र, आत्मनिर्भर हुनुपर्छ ।’ राजनीतिक परिवर्तन चाहिन्छ भने आफूबाट परिवर्तन गर्नुपर्छ भनेर स्वतन्त्र रुपमा उम्मेदवार बताउँदै उनले थपे, ‘मेरो उम्मेदवारी अनुमोदन भएको छ ।’