आमनिर्वाचन २०७९
सबैभन्दा बढी क्षेत्रमा उम्मेदवारी दिने दल राप्रपा
९२९ क्षेत्रमा स्वतन्त्र उम्मेदवारी
काठमाडौँ — आगामी मंसिर ४ मा हुने निर्वाचनमा प्रतिनिधिसभातर्फ सबैभन्दा बढी स्थानमा राप्रपाले उम्मेदवारी दिएको छ । प्रतिनिधिसभाका १६५ निर्वाचन क्षेत्रमध्ये राप्रपाले १४१ क्षेत्रमा उम्मेदवारी दिएको छ ।
आइतबार राति ९ बजेसम्मको विवरण अनुसार एमालेले १३९ क्षेत्रमा, कांग्रेसले ९१ क्षेत्रमा, माओवादी केन्द्रले ४५ स्थानमा उम्मेदवारी दिएका छन् ।
यस्तै, राष्ट्रिय स्वतन्त्र पार्टीले १३१ स्थानमा उम्मेदवारी दर्ता गराएको छ । लोकतान्त्रिक समाजवादी पार्टीले ५२ स्थानमा र जनता समाजवादी पार्टीले ८० क्षेत्रमा उम्मेदवारी दर्ता गराएको छ।
यसैबीच, ९२९ क्षेत्रमा स्वतन्त्र उम्मेदवारी परेका छन् ।
प्रकाशित : आश्विन २३, २०७९ २१:५३प्रतिक्रिया
