देउवा-सिटौलाबीच बन्यो समीकरण, प्रदीप पौडेल महामन्त्रीको उम्मेदवार 

नेविसंघका महामन्त्री बलदेव तिमल्सिनाका अनुसार भृकुटीमण्डपमा उद्घाटन सत्र सकिएपछि सिटौलाले आफूनिकट नेताहरूलाई बोलाएर सहमतिबारे जानकारी गराएका थिए । सहमति अनुसार देउवाको टिमबाट सिटौलानिकट प्रदीप पौडेल महामन्त्रीको उम्मेदवार बन्ने पक्का भएको छ ।

देउवाले आफ्नो समूहका चार जना आकांक्षीलाई छाडेर सिटौलानिकट पौडेललाई महामन्त्रीको उम्मेदवार बनाउने भएका हुन् । सहमति अनुसार अब सभापतिमा सिटौलाले देउवालाई सघाउने छन् ।

सिटौला भने कुनै पनि पदमा उम्मेदवार नबन्ने स्रोतको भनाइ छ । त्यस्तै, देउवाकै टिमबाट सिटौला पक्षका अर्का नेता उमाकान्त चौधरी पनि सहमहामन्त्रीको उम्मेदवार बन्ने भएका छन् । महाधिवेशन उद्घाटन अगावै देउवा–सिटौलाबीच बालुवाटारमा भेटवार्ता भएको थियो ।