विधान महाधिवेशनबारे छलफलमा जुटे ओलीसहितका एमाले नेता

एमालेले भदौ २७ र २८ गते काठमाडौंमा विधान महाधिवेशन गर्दै छ । त्यसको तयारीका लागि आइतबार बसेको स्थायी कमिटीको बैठकले चारवटा कार्यदल र त्यसका संयोजक पनि टुंगो लगाएको थियो ।

राजनीतिक प्रतिवेदनको मस्यौदा तयार गर्न अध्यक्ष ओली, संगठनात्मक प्रस्तावका लागि महासचिव ईश्वर पोखरेल, विधान संशोधन मस्यौदा कार्यदलको संयोजकत्वमा विष्णु पौडेल र विधान महाधिवेशन व्यवस्थापन कार्यदलको संयोजकमा रामबहादुर थापा छन् ।

एमालेले विधान महाधिवेशनपछि असोज ३ मा देशभरका ६ हजार ७ सय ४३ वडामा एकै दिन वडा अधिवेशन र असोज ९ मा ७ सय ५३ पालिकामा अधिवेशन गर्ने निर्णय पनि गरेको थियो।