नेकपा विवादबारे छिटो निर्णय दिन पूर्वप्रमुख निर्वाचन आयुक्तको आग्रह- समाचार - कान्तिपुर समाचार
कान्तिपुर वेबसाईट
AdvertisementAdvertisement

नेकपा विवादबारे छिटो निर्णय दिन पूर्वप्रमुख निर्वाचन आयुक्तको आग्रह

कान्तिपुर संवाददाता

काठमाडौँ — पूर्वप्रमुख निर्वाचन आयुक्तहरुले राजनीतिक दलको पछिल्लो विवादबारे प्रचलित कानुन र स्थापित नजिरका आधारमा यथाशीघ्र उपयुक्त निर्णय दिन निर्वाचन आयोगसँग आग्रह गरेका छन् । 

पूर्वप्रमुख निर्वाचन आयुक्त सूर्यप्रसाद श्रेष्ठ, भोजराज पोखरेल, नीलकण्ठ उप्रेती, डा. अयोधीप्रसाद यादव र दोलखबहादुर गुरुङले बुधबार संयुक्त विज्ञप्ति प्रकाशन गरी उक्त सुझाव दिएका हुन् । विज्ञप्तिमा भनिएको छ, 'राजनीतिक दलको विवाद निरुपणमा ढिलाइ गरेको भनी निर्वाचन आयोगको निर्णय क्षमता र स्वायत्तताका विषयमा उठाइएका प्रश्नले हामीलाई गम्भिर बनाएको छ ।'

नेपाल कम्युनिष्ट पार्टी (नेकपा) को विवाद हालसम्म नटुङ्गिएको स्थितिमा उनीहरुको यो प्रतिक्रिया आएको छ । आयोग अनिर्णयको बन्दी हुँदा त्यसले मुलुकको राजनीतिक प्रक्रियामा पार्न सक्ने गाम्भीर्यता तथा आयोगको आफ्नै शाखमा पर्न सक्ने असरलाई समेत विचार गरी चाँडो निर्णय दिन उनहरुले अनुरोध गरेका हुन् ।

प्रकाशित : फाल्गुन १९, २०७७ १९:०६
प्रतिक्रिया
पठाउनुहोस्

लुम्बिनी क्रिकेट क्लबलाई उपाधि

सन्जु पौडेल

तिलोत्तमा — रुपन्देहीको तिलोत्तमामा सम्पन्न प्रथम सुनिल ढुंगाना स्मृति खुला टि १० नकआउट क्रिकेट प्रतियोगिताको उपाधि लुम्बिनी क्रिकेट क्लबले जितेको छ । बुधबार भएको फाइनल खेलमा आरआर चिलिया क्रिकेट क्लब ५४ रनमै समेटिएपछि लुम्बिनीले जित निकालेको हो । 

लुम्बिनीका अनुभवी बलरका अगाडि चिलियाका ब्याट्सम्यान निरिह बने । उपाधिसँगै लुम्बिनीले नगद १ लाख रुपैयाँ साथमा कप, मेडल र प्रमाणपत्र प्राप्त गरेको छ । त्यस्तै, उपविजेता बनेको आरआर चिलियाले ५० हजार नगद पुरस्कारसहित कप, मेडल र प्रमाणपत्रमा चित्त बुझायो ।

फाइनलमा पहिले ब्याटिङ गरेको लुम्बिनीले निधारित १० ओभरको खेलमा १ सय २५ रनको योगफल तयार गर्‍यो । उसका लागि जाबेद अलीले सर्वाधिक ७२ रनको योगदान गरे । १ सय २६ रनको लक्ष्य पछ्याएको चिलिया ५४ रनमै समेटिएपछि लुम्बिनीले सानदार जित दर्ता गराएको हो ।

प्रतियोगितामा टिमलाई ७२ रनको योगदान गर्ने लुम्बिनीका जाबेद अलि म्यान अफ द म्याच बने । प्रतियोगिता म्यान अफ द सिरिजको उपाधि जितेका आरआर चिलियाका बासी अहमदले नगद १० हजार र बेष्ट बलर बनेका तिलोत्तमा क्रिकेट एकेडेमीका श्याम खरेलले नगद ५ हजार पुरस्कार प्राप्त गरे ।

प्रकाशित : फाल्गुन १९, २०७७ १८:४३
पूरा पढ्नुहोस्
प्रतिक्रिया
पठाउनुहोस्
×