संसद्‌को चालू अधिवेशन अन्त्य गर्न राष्ट्रपतिलाई सिफारिस- समाचार - कान्तिपुर समाचार

संसद्‌को चालू अधिवेशन अन्त्य गर्न राष्ट्रपतिलाई सिफारिस

बिनु सुवेदी

काठमाडौँ — सरकारले दुवै सदनका चालू अधिवेशन अन्त्य गर्न राष्ट्रपतिलाई सिफारिस गर्ने निर्णय गरेको छ ।

सोमबार बसेको मन्त्रिपरिषद् बैठकले प्रतिनिधिसभा र राष्ट्रियसभाका चालू हिउँदे अधिवेशन अन्त्य गर्न राष्ट्रपतिलाई सिफारिस गर्ने निर्णय गरेको हो ।


यो पनि पढ्नुहोस्ः

वैशाख ३ गतेसम्म लकडाउन थपियो

महाप्रसाद अधिकारी नयाँ गभर्नर

प्रकाशित : चैत्र २४, २०७६ १६:१०
प्रतिक्रिया
पठाउनुहोस्

महाप्रसाद अधिकारी नयाँ गभर्नर

कान्तिपुर संवाददाता

काठमाडौँ — सरकारले महाप्रसाद अधिकारीलाई नेपाल राष्ट्र बैंकको गभर्नरमा नियुक्त गरेको छ ।

लगानी बोर्डका प्रमुख कार्यकारी अधिकृत अधिकारीलाई सोमबार बसेको मन्त्रिपरिषद् बैठकले गभर्नरमा नियुक्त गरेको एक मन्त्रीले जानकारी दिए ।

अधिकारीले राष्ट्र बैंकको खरदार सरहको सहायक पदबाट जागिर सुरु गरेका थिए । भारतको मद्रासबाट चार्टर्ड एकाउन्ट अध्ययन पूरा गरी फर्किएपछि अधिकारी उप-निर्देशक बनेका थिए ।

हालका अर्थमन्त्री युवराज खतिवडा गभर्नर हुँदा अधिकारी डेपुटी गभर्नर थिए । डेपुटीबाट अवकाश पाएका उनी केही समयमै लगानी बोर्डको प्रमुख कार्यकारी अधिकृत (सीईओ) नियुक्त भएका हुन् ।

प्रधानमन्त्री केपी ओली नेतृत्वको अघिल्लो सरकारले उनलाई बोर्डको सीईओमा नियुक्त गरेको हो । बोर्डमा दुई महिना कार्यकाल बाँकी रहँदै अधिकारी गभर्नर भएका हुन् ।

यो पनि पढ्नुहोस्ः

प्रकाशित : चैत्र २४, २०७६ १६:०९
पूरा पढ्नुहोस्
प्रतिक्रिया
पठाउनुहोस्
×