कान्तिपुर वेबसाईट
AdvertisementAdvertisement

उपराष्ट्रपति फर्केपछि जिसस उपप्रमुखबाट महायज्ञ उद्घाटन

रमेशकुमार पौडेल

चितवन — विवादित र ठगीमा संलग्न व्यक्ति नै यज्ञको प्रमुख वाचक रहेको समाचार सार्वजनिक भएपछि नारायणगढ नारायणी नदी किनारमा शनिबारदेखि सञ्चालन हुने एक महिने महायज्ञको उद्घाटन गर्न आएका उपराष्ट्रपति नन्दबहादुर पुन उद्घाटन नगरी फर्के । उपराष्ट्रपति पुन फर्केपछि चितवन जिल्ला समन्वय समितिका उपाध्यक्ष मुनाकुमारी श्रेष्ठले महायज्ञको उद्घाटन गरेकी छन् ।

उपप्रमुख मुनाकुमारी श्रेष्ठले आफूलाई अचानक प्रमुख अतथि घोषणा गरिएको जानकारी दिइन् । ‘कार्यक्रममा उपराष्ट्रपति आउने भनेर पत्रचार भएको रहेछ । प्रमुखज्युले म भ्याउन्न तपाईं जानु होला है भन्नु भएको थियो । त्यस्तो सम्मानित व्यक्ति आउने कार्यक्रममा जिससको प्रतिनिधित्व खाली नहोस् भनेर म कार्यक्रममा गए’ श्रेष्ठले भनिन् । तर प्रतिक्षा गर्दा गर्दा उपराष्ट्रपति नआएको र आफूलाई प्रमुख अतिथि बन्न भनेको उनले सुनाइन् ।

‘त्यहाँ महानगरको कोही प्रतिनिधि देखिनँ । हैन के भयो कसो भएर यसो भयो भन्ने लाग्यो । मैले म प्रमुख अतिथि बन्नका लागि आएकै हैन भने । मैले यसो भनि रहँदा रहँदै उद्घोषकले मलाई नै प्रमुख अतिथि भनेर नाम घोषणा गरी हाल्नुभयो ।,’ चितवन जिजस उपपमुख श्रेष्ठले भनिन् । मञ्चमा पार्टीका प्रतिनिधिहरु पनि नहरेको उनले बताइन् ।

महाराजको आवरणमा ठगी

उपराष्ट्रपति पुन शनिबार दिउँसो बुद्ध एयरको उडानबाट काठमाडौं फर्केका हुन् । मध्यान्ह नै फर्कने तयारी रहे पनि उडानमा ढिलाई भएका कारण उपराष्ट्रपति पुन फर्कन अबेर भएको थियो । आयोजकहरुले यज्ञ निरञ्तर रहने बताएका छन् ।

भरतपुर महानगरपालिका–२३ मा रहेको पशुपतिनाथ मन्दिर व्यवस्थापन समितिले शनिबारदेखि नारायणगढ नारायणी नदी किनारमा एक महिने यज्ञ आयोजना गरेको हो । ऐतिहासिक १०८ कुण्डीय कोटिहोम शैक्षिक, धार्मिक तथा साँस्कृतिक तुलादान माघीमेला महामहोत्स एवं संगितमय लीलामय अष्टोत्तरशत (१०८) श्रीमद्भागवत धनधान्याचल पितृमोक्ष विराट मासिक ज्ञान महायज्ञ नाम राखिएको छ ।

प्रकाशित : माघ ११, २०७६ २०:४१

प्रतिक्रिया
पठाउनुहोस्

क्रुजमा उपराष्ट्रपति पुन (तस्बिरहरुसहित)

रमेशकुमार पौडेल

चितवन — उपराष्ट्रपति नन्दबहादुर पुनले शुक्रबार मध्यन्ह क्रुजको संक्षिप्त यात्रा गरेका छन् । राइनो वाटर इन्टरटेनमेन्टले देशमै पहिलो पटक क्रुज सञ्चालन गर्न लागेको छ । भरतपुर महानगरपालिका–१६ मंगलपुरको काप्रेघाटदेखि नारायणी नदीमा देवघाटसम्म क्रुज चल्ने योजना छ । निर्माणाधिन सोही क्रुजमा उपराष्ट्रपति पुनले लगभग आधा घण्टा यात्रा गरे ।

‘रमाइलो लाग्यो, राम्रो पनि लाग्यो । बन्दै रहेछ चाँडै तयार भएर व्यवसायिक रुपमा पनि सञ्चालन होस्’ क्रुज यात्रापछि उपराष्ट्रपति पुनले सञ्चारककर्मीलाई संक्षिप्त प्रतिक्रिया दिए । नारायणगढदेखि झन्डै ६ किलो मिटर पश्चिम नारायणी नदी किनारमा क्रुजको स्टेसन रहेको छ । राइनो वाटर इन्टरटेनमेन्ट प्रालिका प्रबन्ध निर्देशक रामचन्द्र कँडेलका अनुसार १५ करोड रुपैयाँको लागतमा क्रुज बन्ने छ ।

‘इन्जिन राखेपछि नदीमा चल्न सक्ने वा नसक्ने बारेमा महिना दिनअघि परीक्षण गरेका हौं । १३० टनको यो क्रुज नदीमा सफल्तापूर्वक चल्यो । संरचना निर्माणका काम लगभग सकियो । तर साजसज्जाका साना मसिना कामहरु बाँकी छ । त्यो पूरा भएपछि क्रुज व्यवसायिक रुपमा पनि चल्ने छ,’ प्रबन्ध निर्देशक कँडेलले भन । पहिला दसैंसम्म चलाउने तयारी थियो । पछि अंग्रेजी नयाँ वर्षमा चलाउने भनियो ।

अहिले पनि सजावटका कामहरु बाँकी नै भएका कारण क्रुज सञ्चालनको मिति तोकी हाल्न नसकेको कँडेल बताउँछन् । दुई तलाको सो क्रुजमा एक पटकमा दुई सयजना चढ्न सक्ने छन् । पर्यटकीय उद्देश्यका लागि क्रुज सञ्चालन हुने हुँदा यसले चितवनको पर्यटन विकासमा नयाँ आयम थप्ने उनले बताए । बिहान, दिउँसो र राति गरेर तीन समयमा क्रुज सञ्चालन हुने उनले बताए ।

प्रकाशित : माघ १०, २०७६ १८:०८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×