कान्तिपुर वेबसाईट
AdvertisementAdvertisement

ठग ‘महाराज’ नेतृत्वकाे कार्यक्रममा उपराष्ट्रपति सहभागी नहुने

काठमाडाै‌ं फर्किंदै
कान्तिपुर संवाददाता

काठमाडौँ — ठगीमा संलग्न स्वामी बालयोगेश्वर महाराज बताउने गेरुवस्त्राधारी विजय भण्डारीको नेतृत्वमा शनिबार हुन लागेको कार्यक्रममा उपराष्ट्रपति नन्दबहादुर पुन सहभागी नहुने भएका छन् । कार्यक्रम विवादित भएपछि उपराष्ट्रपति काठमाडौं फर्किन लागेका उनको सचिवालयले जनाएको छ ।

उपराष्ट्रपतिका प्रेस संयोजक मनोज घर्ती मगरले इकान्तिपुरसित भने, ‘कार्यक्रम विवादित भएपछि सहभागी नभइ काठमाडौं फकिर्ने तयारीमा उपराष्ट्रपतिज्यू हुनुहुन्छ।,’


शनिबारदेखि नारायणी नदी किनारमा हुने ‘१०८ कुण्डीय कोटीहोम शैक्षिक, धार्मिक तथा सांस्कृतिक तुलादान माघीमेला महामहोत्सव एवं संगीतमय लीलामय अष्टोत्तरशत श्रीमद्भागवत धनधान्याचल पितृमोक्ष विराट मासिक ज्ञान महायज्ञ’ को उपराष्ट्रपति पुनले उदघाटन गर्ने कार्यक्रम थियो। त्यसका लागिउपराष्ट्रपति शुक्रबार चितवन पुगेका थिए।


भण्डारीले अमेरिका पठाउने भनेर करिब सय जनासँग रकम असुली र वर्षौंदेखि महाराजको आवरणमा ठगी गरेको समाचार कान्तिपुर दैनिकमा शनिबार प्रकाशित भएपछि उपराष्ट्रपति कार्यक्रम उद्‌घाटनमा नजाने भएका हुन्।


यो पनि

प्रकाशित : माघ ११, २०७६ ११:५०
प्रतिक्रिया
पठाउनुहोस्
ADVERTISEMENT

कोरोना भाइरस संक्रमितको उपचार, एक चिनियाँ डिस्चार्ज

एजेन्सी

बेइजिङ — चीनले कोरोना भाइरसबाट संक्रमित एक जना बिरामी निको भएर घर फर्किएको दाबी गरेकाे छ । झेझियाङ प्रान्तको वेन्झौ सहरमा नाम नखुलाइएका याङ थर गरेका ४६ वर्षीय बिरामी निको भएर शुक्रबार घर फर्किएका चाइना ग्लोबल टेलिभिजन नेटवर्क(सीजटीएन) ले जनाएको छ । याङ कोराेना भाइरसबाट निको भएर घर फर्किने पहिलो व्यक्ति भएकाे सीजीटीएनले दाबी गरेकाे छ ।

लामो समयसम्म हुबेई प्रान्तको वुहान सहरमा बसेका ती व्यक्तिलाई जनवरी ३ मा टाउको दुखेकाे र ज्वरो आएको थियो। उपचारमा खटिएका चिकित्सकले याङमा सुरुवाती चरणकाे काेराेना भाइरसकाे संक्रमण थियाे।

रहस्यमयी भनिएको कोरोना भाइरस वुहान सहरबाट चीनको अन्य प्रान्त र विश्वका विभिन्न देशमा समेत फैलिएको छ।

अस्पतालबाट डिस्चार्ज हुने क्रममा याङले भने, ‘डाक्टरहरु मेरो उपचारमा अहोरात्र खट्‍नुभयो। उहाँहरुको उचित हेरचाह र उपचारले नै म निको भएर घर फर्किन सक्ने भएको छ।’ अस्पतालबाट डिस्चार्ज भए पनि उनलाई फलोअपका लागि भने निरन्तर आउन भनिएको छ।
वेन्झौमा रहेको अस्पतालका प्रमुख फिजिसियन डाक्टर दाई जियान्यीले यो केसले अरु बिरामीको उपचारमा सघाउ पुर्याउने बताएका छन्। ‘यसले अरु बिरामीको उपचारमा महत्वपूर्ण योगदान पुर्‍याउँछ। त्यसैले आत्तिनु पर्दैन। केवल हामीले पूर्वसावधानी अपनाउँदै यसबाट बचाउनुपर्छ।’
अहिलेसम्म कोरोना भाइरसका कारण चीनमा एक डाक्टरसहित ४२ जनाको मृत्यु भइसकेको छ। कोरोना भाइरस संक्रमितको उपचारमा खटिएका ६२ वर्षीय डाक्टर लियाङ वुदोङको मृत्यु भएको हो।
के हो कोरोना भाइरस?

प्रकाशित : माघ ११, २०७६ ११:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×