आलोचना साथै विभिन्न टीकाटिप्पणी हुन थालेपछि महानगरले स्पष्टीकरण दिँदै उक्त कुर्सीहरु मर्मत साथै व्यवस्थापनको लागि झिकिएको जनाएको थियो । 

२०८१ साल असोजदेखि महानगरभित्रका विभिन्न स्थानहरुमा गरेर कुल १ सय ४० वटा सार्वजनिक कुर्सी राखिएको थियो । त्यसमध्ये भद्रकालीदेखि सिंहदरबार सडक खण्डका पैदल मार्गमा ११ वटा कुर्सी राखिएका छन् । त्यसबाहेक बागमती,बागमती नदीका करिडोर,गुहेश्वरी,कोटेश्वर,कालमोच लगायतका ठाउँमा कुर्सी राखिएका थिए ।

महानगरले आगामी दिनमा थप कुर्सीहरु राखिने जनाएको छ । दोस्रो चरणमा नापी विभाग,तीनकुने कोटेश्वर खण्ड,रत्नपार्क,माइतीघर,ववरमहल, कमलपोखरी लगायतका स्थानमा ४९ वटा कुर्सी राखिने महानगरले बताएको छ । त्यस्तै, तेस्रो चरणमा विभिन्‍न स्थानमा माग र आवश्यताका आधारमा १५० वटा कुर्सी राखिने पनि महानगरले जनाएको छ ।