काठमाडौँ — प्रोटोन गाडीको आधिकारिक वितरक जगदम्बा मोटर्सले बहुप्रतीक्षित विद्युतीय एसयूभी प्रोटोन इ.मास ५ को बुकिङ खुला गरेको छ । कम्पनीले गाडीको आधिकारिक  रूपमा सार्वजनिक हुनुअघि ‘गेस एन्ड बुक द अल न्यू इ.मास ५ एट योर प्राइस’ योजना पनि सार्वजनिक गरेको छ ।

कम्पनीका अनुसार योजनाअन्तर्गत ग्राहकले इ.मास ५ को सम्भावित बजार मूल्य अनुमान गरी कम्पनीले उपलब्ध गराएको वेबसाइटमार्फत मूल्य ‘लक’ गर्न सक्नेछन् । आधिकारिक लन्च मूल्यसँग मिल्ने वा सबैभन्दा नजिकको मूल्य अनुमान गर्ने ग्राहकले आफूले अनुमान गरेकै मूल्यमा गाडी खरिद गर्ने अवसर पाउनेछन् ।

‘इ.मास ५ प्राइम’ भेरियन्टका लागि अनुमानित मूल्य दायरा २९ लाख ९९ हजारदेखि ३४ लाख ९९ हजार रुपैयाँ र ‘प्रिमियम’ भेरियन्टका लागि ३४ लाख ९९ हजारदेखि ३९ लाख ९९ हजार रुपैयाँ तोकिएको कम्पनीले जनाएको छ । योजनामा सहभागीमध्ये लक्की ड्रमार्फत प्रत्येक भेरियन्टबाट पाँच–पाँच जना विजेता छनोट गरिनेछ ।