काठमाडौँ — सिटिजन्स बैंक इन्टरनेसनल लिमिटेडले बर्दियाको बाासगढी नगरपालिका–५ स्थित नेपाल राष्ट्रिय माध्यमिक विद्यालयमा अध्ययनरत दृष्टिविहीन विद्यार्थीलाई ब्रेल शैक्षिक सामग्री सहयोग गरेको छ ।

२०४५ सालमा स्थापित सामुदायिक विद्यालयमा १ हजार २ सय विद्यार्थी अध्ययनरत छन्, जसमध्ये २० जना दृष्टिविहीन विद्यार्थीले ब्रेल सामग्रीको सहायताबाट अध्ययन गर्दै आएको बैंकले जारी गरेको विज्ञप्तिमा उल्लेख छ ।

विद्यालयमा आवश्यक ब्रेल सामग्रीको अभावका कारण विद्यार्थीको अध्ययन–अध्यापनमा कठिनाइ भइरहेको अवस्थालाई ध्यानमा राखेर बैंकले आफ्नो सहयोग उपलब्ध गराएको जनाइएको छ ।

बैंकले विद्यालयमा अध्ययनरत दृष्टिविहीन विद्यार्थीहरूलाई ब्रेल पेपर, ए–ग्रेड ब्रेल स्टाइलस, ए–ग्रेड इन्टरपोइन्ट ब्रेल स्लेट, स्कुल झोला, कम्प्युटरलगायत आवश्यक शैक्षिक सामग्री वितरण गरेको विज्ञप्तिमा उल्लेख छ ।