काठमाडौँ — काठमाडौं मेरियट होटेलले थाई परिकारको वास्तविक स्वाद अब राजधानी काठमाडौंमै अनुभव गराउने भएको छ ।

यसका लागि होटलले फ्लेभर्स अफ थाइल्यान्ड नामक विशेष फुड फेस्टिभल आयोजना गरेको छ ।

एडामामे रेस्टुरेन्टमा सुरु भएको यो इभेन्ट जुन १५ देखि २५ तारिखसम्म हरेक दिन दिउँसो १ बजेदेखि सञ्चालन भइरहेको मेरियटले जनाएको छ । यस फेस्टिभलको मुख्य आकर्षणका रूपमा सेफ ओन नामले परिचित मेरियट नर्थ पटायाका चर्चित सेफ नत्तावुद रुएङ्सामुत छन् ।

थाई, क्यान्टोनिज, इटालियन, फ्रेन्च, जापानी तथा आधुनिक एसियन फ्युजन खानामा १९ वर्षभन्दा लामो अनुभव हासिल गरेका सेफ ओनले आफ्नो सिर्जनात्मकता र उत्कृष्ट कलिनरीमार्फत अतिथिहरूलाई गुणस्तरीय र प्रामाणिक  स्वाद प्रदान गरिरहेको मेरियटले जारी गरेको विज्ञप्तिमा उल्लेख छ ।