निर्माण व्यवसाय विकास कार्यान्वयन समिति तथा नेपाल निर्माण व्यवसायी महासंघसँगको सहकार्य
काठमाडौँ — सोसाइटी अफ कन्सल्टिङ आर्किटेक्चरल एन्ड इन्जिनियरिङ फर्म्सले सरोकारवालाको क्षमता बढाउन जीआईएस तथा रिमोट सेन्सिङ सिकाइ कार्यशाला आयोजना गरेको छ ।
नेपालको परामर्श, निर्माण क्षेत्र तथा सम्बन्धित सरकारी विभाग र मन्त्रालयअन्तर्गतका परियोजनाका सरोकारवाला निकाय, परामर्शदाता र निर्माण व्यवसायीको व्यावसायिक क्षमता अभिवृद्धि गर्ने उद्देश्यले चारदिने जीआईएस तथा रिमोट सेन्सिङसम्बन्धी तालिम गरिएको आयोजकले जनाएको छ ।
यसमा निर्माण व्यवसाय विकास कार्यान्वयन समिति तथा नेपाल निर्माण व्यवसायी महासंघसँगको सहकार्य छ ।
१३ देखि १६ चैतसम्म उक्त सिकाइ आयोजना भइरहेको छ । तालिममा परामर्शदाता इन्जिनियर, आयोजना व्यवस्थापक, प्राविधिक अधिकृत, परियोजना योजनाकार, सम्झौता व्यवस्थापक तथा परामर्श, निर्माण र सम्बन्धित सरकारी विभाग एवं मन्त्रालयका प्रतिनिधिहरूको उल्लेखनीय सहभागिता छ ।
प्रविधिगत व्यवस्थापकीय सुधारमार्फत नेपालको परामर्श उद्योगलाई प्रवर्द्धन र सुदृढीकरण गर्ने उद्देश्यले स्थापित सोसाइटी अफ कन्सल्टिङ आर्किटेक्चरल एन्ड इन्जिनियरिङ फर्म्सले यो कार्यक्रम संस्थाको निरन्तर क्षमता विकास पहलअन्तर्गत सञ्चालन गरिएको जनाएको छ ।
