काठमाडौँ — सिटिजन्स बैंक इन्टरनेसनल लिमिटेडले आफ्ना कर्मचारीको स्वास्थ्यप्रति प्रतिबद्धता जनाउँदै स्तन क्यान्सर तथा प्रोस्टेट क्यान्सरसम्बन्धी जनचेतनामूलक कार्यक्रम आयोजना गरेको छ । यस पहलअन्तर्गत क्यान्सरसम्बन्धी सही जानकारी प्रदान गर्ने, आम भ्रम हटाउने तथा समयमै परीक्षण, रोकथाम र चिकित्सकीय परामर्शको महत्त्वबारे सचेतना फैलाउने उद्देश्य राखिएको छ ।

भारतको मेदान्त द मेडिसिटी अस्पताल गको सहकार्यले कार्यक्रमलाई अझ प्रभावकारी र विश्वसनीय बनाएको बैंकले जनाएको छ।

कार्यक्रमअन्तर्गत सबै महिला कर्मचारीका लागि ‘स्तन क्यान्सरसम्बन्धी महिलाले जान्न र अभ्यास गर्नुपर्ने कुराहरू’ विषयक वेबिनार आयोजना गरिएको हो। उक्त वेबिनारको सहजीकरण मेदान्त अस्पतालकी स्तन क्यान्सर वरिष्ठ निर्देशक डा. कञ्चन कौरले गरेकी थिइन् । माघ १३ माआयोजित कार्यक्रममा कुल ५१३ जना महिला कर्मचारीको सक्रिय सहभागिता रहेको थियो, जसका कारण कार्यक्रम अन्तरक्रियात्मक र प्रभावकारी बन्न सफल भएको बैंकले जनाएको छ।

माघ १४, २०८२ ३० वर्ष वा सोभन्दा माथिका पुरुष कर्मचारीका लागि ‘प्रोस्टेट क्यान्सरः भ्रम र यथार्थ’ विषयक सत्र सञ्चालन गरिएको थियो। उक्त सत्रको सहजीकरण मेदान्त अस्पतालका वरिष्ठ निर्देशक डा. पुनीत आहुलवालियाले गरेका थिए । यस सत्रमा ५०९ जना कर्मचारीको सक्रिय सहभागिता रहेको थियो ।