काठमाडौँ — लक्ष्मी सनराइज बैंकले डिजिटल डिसेम्बर २०२५ अभियानअन्तर्गत नेपालमा प्रविधि तथा कृत्रिम बुद्धिमत्ता (एआई) नवप्रवर्तनको दायरा मजबुत बनाउन आद्यन्त एडभाइजर प्रालि र अमेरिकन चेम्बर अफ कमर्स इन नेपाल (एमचाम नेपाल) सँग सहकार्यका लागि समझदारीपत्रमा हस्ताक्षर गरेको छ।

सातौं वर्षमा रहेको डिजिटल डिसेम्बर अभियान डिजिटल सचेतना अभियानका रूपमा सुरु भई अहिले उद्यम रूपान्तरणको एक रणनीतिक प्लेटफर्मका रूपमा विकसित भएको बैंकले जनाएको छ।

यस संस्करणले उच्च मूल्य तथा उच्च परिमाणका व्यावसायिक कारोबारलाई नगद र चेकबाट सुरक्षित डिजिटल माध्यमतर्फ रूपान्तरण गर्ने, एपीआई तथा होस्ट टू होस्ट कनेक्टिभिटीमार्फत उद्यमीहरूको सञ्चालन प्रणालीहरूमा बैंकिङ सेवा जडान तथा एकीकृत गर्ने तथा डिजिटल प्लेटफर्मलाई व्यावसायिक भुक्तानीको प्राथमिक माध्यमका रूपमा स्थापित गर्ने लक्ष्य राखेको बताइएको छ।