काठमाडौँ — कर्णाली याक्स स्पोर्ट्स प्रालिले स्ट्रेन्थ पार्टनरका रूपमा प्लम्बर पाइप्ससँग सहप्रायोजनका लागि सम्झौता गरेको छ । आइतबार काठमाडौंको याक एन्ड यति होटलमा आयोजित कार्यक्रममा कर्णाली याक्सका निर्देशक गृहेन्द्र घिमिरे र प्लम्बर पाइप्सका म्यानेजिङ डाइरेक्टर नितिन जालानले सम्झौतापत्रमा हस्ताक्षर गरे ।

जय बागेश्वरी रोटो मोल्डिङ इन्डस्ट्रिजले यो कम्पनी २०७१ सालदेखि नेपालमा ल्याएको हो । सम्झौता नेपाल प्रिमियर लिग (एनपीएल) को दोस्रो संस्करणका लागि भएको हो ।

प्लम्बर पाइप्सका डाइरेक्टर नीरज जालानले कर्णाली याक्ससँग जोडिनु गौरवको विषय भएको बताएका छन् । ‘प्लम्बर पाइप्स प्लम्बिङ प्रणालीका लागि एक प्रसिद्ध ब्रान्ड हो । नेपालको अग्रणी प्लम्बिङ ब्रान्ड प्लम्बर पाइप्सले कर्णाली याक्ससँग प्रायोजकका रूपमा हात मिलाएको छ,’ कम्पनीका डाइरेक्टर जालानले भने, ‘हाम्रो देशको प्रमुख खेलकुद प्रतियोगिता एनपीएल र कर्णाली याक्ससँग जोडिनु गर्वको कुरा हो । यसबाहेक हामी हाम्रो देशमा खेलकुदको उन्नतिमा योगदान पुर्‍याउने आशा गर्छौँ ।’