सम्झौतामा दिगो कृषि, बीउ उत्पादन, जलवायु परिवर्तन अनुकूलन, सहकारी विकास, जैविक विविधता संरक्षण, प्राकृतिक स्रोतको दिगो उपयोग, विपद् जोखिम व्यवस्थापन, खाद्य सुरक्षा, जैविक खेती, कृषि पर्यटन, उद्यम विकास, बजार, नवीकरणीय ऊर्जा अनुसन्धान, नीति वकालत र ज्ञान–सूचना प्रवाह जस्ता विषयमा संयुक्त परियोजना निर्माण र कार्यान्वयन गर्ने उल्लेख गरिएको छ।

त्यसैगरी सहकारी सदस्य, किसान, संघका कर्मचारी तथा विश्वविद्यालयका संकाय र कर्मचारीहरूका लागि प्रविधिक र व्यवस्थापकीय क्षमता अभिवृद्धि कार्यक्रम सञ्चालन गरिनेछ।

सम्झौताअनुसार विश्वविद्यालयका विद्यार्थीहरूलाई संघसम्बद्ध सहकारीहरूमा अनुसन्धान, थेसिस, इन्टर्नसिप र तालिमका अवसर प्रदान गरिने र संयुक्त अनुसन्धानपछि जर्नल प्रकाशनमा सहकार्य गरिनेछ।

सम्झौता पत्रमा कृषि–खाद्य प्रणाली, कृषि सहकारी र ग्रामीण रूपान्तरणसँग सम्बन्धित नीति संवाद, सेमिनार र कार्यशाला सञ्चालन गर्ने उल्लेख छ। साथै, कृषि, वन तथा प्राकृतिक स्रोतसँग सम्बन्धित शैक्षिक कार्यक्रम सञ्चालनमा सहजीकरण गर्ने, कृषि र वन क्षेत्रका विशेषज्ञता, तथ्यांक र उत्कृष्ट अभ्यासहरूको आदानप्रदान गर्ने व्यवस्था पनि सम्झौतामा समावेश गरिएको संघले जारी गरेको विज्ञप्तिमा उल्लेख छ।