काठमाडौँ — सिप्लाको (इमर्जिङ मार्केट्स र युरोप बिजनेस युनिट) 'टेक चार्ज - आई प्लेज' अभियानले ६ देशका ४,३५० डाक्टरहरूलाई संलग्न गराएर सीओपीडीमा जागरूकता बढाउन नयाँ मानक स्थापित गरेको छ।
'सिप्ला' भनिने सिप्ला लिमिटेड (बीएसई: ५०००८७; एनएसई: सिप्ला ईक्यू) का अनुसार यसको इमर्जिङ मार्केट्स एन्ड यूरोप बिजनेस युनिट (ईएमईयू बीयू) ले एशिया बुक अफ रेकर्ड्समा नयाँ कीर्तिमान राख्न सफल भएको छ ।
सीओपीडी जागरूकता महिनामा, सिप्लाले नेपाल, म्यानमार, श्रीलंका, मलेसिया, ओमान, र यूएईका गरी कुल ४,३५० डाक्टरहरूलाई 'क्रोनिक अब्सट्रक्टिभ पल्मोनरी डिजिज' (सीओपीडी) बारे जागरूक बनाउन प्रतिज्ञा अभियानमा संलग्न गराएको थियो । यो पहललाई सिप्लाले 'टेक चार्ज - आई प्लेज' नाम दिएको थियो । यसमा स्वास्थ्यकर्मी, बिरामी र हेरचाहकर्ताहरूको बीचमा अर्थपूर्ण संवाद प्रवर्द्धन गर्न र सिप्लाको श्वासप्रश्वास रोग जागरूक प्रतिको प्रतिबद्धतालाई सुदृढ गर्ने लक्ष्य राखिएको थियो।
यो उपलब्धिलाई एसिया बुक अफ रेकर्ड्सले सीओपीडी जागरूकताका लागि सबैभन्दा धेरै डाक्टरलाई संलग्न गराएको अभियानको रूपमा मान्यता दिएको छ। यस मान्यताका बारेमा बोल्दै, सिप्ला ईएमईयूका सीईओ स्वपन मालपानीले भने, 'सीओपीडीलाई एक समय क्रममा बढ्दै जाने फोक्सोको रोगको रूपमा चिनिन्छ र यो विश्वव्यापी रूपमा मृत्युको चौथो प्रमुख कारण हो । २०२१ मा, यसले करिब ३५ लाख मृत्युको कारण बनाएको थियो । जुन विश्वव्यापी मृत्युहरूको करिब ५ प्रतिशत हो । डाक्टरहरूलाई 'टेक चार्ज - आई प्लेज' अभियानमा संलग्न गराएर, हाम्रो उद्देश्य समयमै निदान र प्रभावकारी व्यवस्थापनको महत्त्वलाई उजागर गर्नु थियो । जसले दीर्घकालीन स्वास्थ्य परिणामहरूमा सुधार ल्याउन सक्छ । यो अभियानले डाक्टर-बिरामीको सम्बन्धलाई सुदृढ गर्ने उद्देश्यले खुला संवाद प्रवर्द्धन गर्नुका साथै सीओपीडीबाट पीडितहरूका लागि सुधारिएको हेरचाह प्रदान गर्ने लक्ष्य राखेको थियो
