त्यस्तै फोहोर र प्रदूषण कम गर्न प्लास्टिकरहित बोतलको प्रयोग, जैविक रूपमा नष्ट हुने सामग्रीको प्रयोग, फोहर वर्गीकरण प्रणाली, पर्यावरणीय कानुनको पालना, पर्यावरणमैत्री सामग्रीको प्रयोग, हरित क्षेत्रको प्रबर्द्धन, अपांगता भएका व्यक्तिहरुको सहजता र होटलले स्थानीय कृषि उत्पादनको खपतलाई आधार बनाइएको थियो । होटल संघ नेपालका प्रमुख कार्यकारी अधिकृत टेकबहादुर महतले होटल बाराही काठमाडौंले दिगो विकासमा दिएको योगदानमा खुसी व्यक्त गर्दै नेपाल सरकारले पनि यस्ता प्रमाणीकरणका लागि मापदण्ड बनाउन पर्यटन बिभागमार्फत पहल हुनुपर्ने बताए । नेपाल ट्राभल एसोसिएसन अफ टुर एन्ड ट्राभल एजेन्ट्स (नाट्टा) महासचिव युविका भण्डारीले बाराहीले अपनाएको व्यवसायीक अभ्यास आममानिसको सामान्य जीवनयापनमा समेत लागू हुनुपर्ने बताइन । बाराही हस्पिटालिटीअन्तर्गत हाल कास्कीमा होटल बाराही पोखरा, साराङकोट माउन्टेन लज, आबास पोखरा, चितवनमा ‘बाराही जंगल लज’ पनि संचालनमा छन् । चितवनको बाराही जंगल लज यसअघि नै इको सर्टिफाइड भइसकेको विज्ञप्तीमा जनाइएको छ ।