पाल्पा — पाल्पामा कोरोना भाइरस संक्रमणबाट सोमबार थप पुरुषको मृत्यु भएको छ ।
उपचारका क्रममा पूर्वखोला गाउँपालिका–३ पूर्वखोलाका ५१ वर्षीय पुरुषको मृत्यु भएको स्वास्थ्य कार्यालयका सूचना अधिकारी ओमप्रकाश पन्थीले जानकारी दिए ।
कोरोना भाइरस पुष्टि भएपछि होम आइसोलेसनमा बसेका उनलाई स्वास्थ्य समस्या बढेपछि थप उपचारका लागि आइतबार काठमाडौं लगिएको थियो ।
उनको उपचारका क्रममा सोमबार मृत्यु भएको स्वास्थ्य कार्यालयले जनाएको छ । उनमा कडा खालको निमोनिया र कमलपित्तको समस्या थियो ।
उनको स्थायी ठेगाना पूर्वखोला भएपनि तानसेनमा बस्दै आएका थिए । योसंगै कोरोना भाइरस संक्रमणबाट ज्यान गुमाउनेको संख्या १७ पुगेको स्वास्थ्य कार्यालयले जनाएको छ ।
