काठमाडौंको प्रज्ञा प्रतिष्ठानमा शनिबार आयोजित विशेष समारोहमा कांग्रेसका महामन्त्री विश्वप्रकाश शर्मा, आख्यानकार अमर न्यौपाने, लेखक शंकर तिवारी, पत्रकार एवम् लेखक श्रीओम श्रेष्ठ ‘रोदन’ लगायतले पुस्तक लोकार्पण गरे ।
What you should know
काठमाडौँ — पत्रकार वसन्त पराजुलीको नयाँ कृति ‘बखान’ लोकार्पण गरिएको छ ।
काठमाडौंको प्रज्ञा प्रतिष्ठानमा शनिबार आयोजित विशेष समारोहमा कांग्रेसका महामन्त्री विश्वप्रकाश शर्मा, आख्यानकार अमर न्यौपाने, लेखक शंकर तिवारी, पत्रकार एवम् लेखक श्रीओम श्रेष्ठ ‘रोदन’ लगायतले पुस्तक लोकार्पण गरे ।
कार्यक्रममा कांग्रेस महामन्त्री विश्वप्रकाश शर्माले इतिहासमा सजिलै नपाइने घटना र विषयलाई लेखक पराजुलीले पुस्तकमार्फत प्रस्तुत गरिदिएको जनाए । बखानसिंह गुरुङको उच्च योगदानलाई पुस्तकले इतिहासमा सजीव बनाएको उनको भनाइ छ ।
चितवनको बस्ती विकास र बसाइँसराइमा महत्त्वपूर्ण योगदान पु¥याएका बखानसिंह गुरुङलाई पार्टीले औपचारिक सम्मान गर्नुपर्ने कांग्रेस सहमहामन्त्री जीवन परियारको भनाइ छ ।
आख्यानकार अमर न्यौपानेले पुस्तकमाथि चर्चा गर्दै राजनीतिक परिवर्तनका क्रममा धेरै पुस्तकले छुटाएका घटनाक्रमलाई ‘बखान’ले समेट्न सफल भएको बताए । लेखकले २००७ सालको परिवर्तनदेखि पञ्चायतसम्मको राजनीतिक यात्रा, नेपाली कांग्रेसको संघर्ष, बिपी कोइरालाको समाजवादका चरण र गुरुङले आफ्ना दुई छोराको निधनपछि भोगेको पीडालाई सरल एवम् सटीक रुपमा प्रस्तुत गरेको न्यौपानेले जनाए ।
पुस्तकका लेखक तथा पत्रकार वसन्त पराजुलीले बखानसिंह गुरुङको योगदानलाई साहित्यका माध्यमबाट आकार दिन खोजेको उल्लेख गरे । ‘अब यो पुस्तक तपाईंहरुको हातमा पुगेको छ,’ उनले भने, ‘यसको असल मूल्यांकन तपाईंहरुबाट आउने आशा गरेको छु ।’
कार्यक्रममा बखानसिंह गुरुङकी पनातिनी जानुका गुरुङले आफ्ना बाजेलाई उच्च मूल्यांकन गर्नुपर्नेमा जोड दिइन् ।
के छ पुस्तकमा ?
चितवनको बस्ती विकास, सहकारी अभियानको आरम्भ र नेपालको प्रजातान्त्रिक आन्दोलनसँग प्रत्यक्ष जोडिएका ऐतिहासिक पात्र हुन्— बखानसिंह गुरmङ । उनकै जीवनका अनेक आरोहअवरोह अर्थात् सैनिकदेखि मन्त्री हुँदासम्मका उबडखाबड यात्रा, पारिवारिक बिछोड र राजनीतिक टकराव समेटिएको आख्यान हो— बखान ।
पुस्तकमा बखानसिंहको बखान मात्र छैन, त्यति बेलाको भौगोलिक, सांस्कृतिक, राजनीतिक, आर्थिक र सामाजिक पाटा पनि छन् ।
बखानसिंहलाई केन्द्रमा राखेर २००७ देखि २०४० सालसम्मका प्रमुख राजनीतिक घटनाक्रमलाई समेटिएको यस पुस्तकमा चितवनको बस्ती विकास, चितवन राष्ट्रिय निकुञ्जको स्थापना, त्यहाँ गरिएका सिकार, थारु जातिको जीवनशैली र मलेरियासँग जुधेर बाँचेका थारुहरुको जीवन्त चित्रण छ । इतिहास, संस्कृति, प्रकृति र पर्यावरणको सुन्दर प्रस्तुतिले यस आख्यानलाई बहुआयामिक बनाएको छ ।
