खोटाङ — सहिद मनोज जोशी प्रतिभा पुरस्कारबाट रामबिक्रम थापा पुरस्कृत भएका छन् । ३४ औं मनोज झपेन्द्र सुरेन्द्र स्मृति दिवसको अवसरमा नगद दस हजारसहित साउन १५ गते पुरस्कृत गरिएको हो ।

शिक्षा, कला, साहित्य, सस्कृति र सामाजिक क्षेत्रमा योग्दान पुर्‍याएको भन्दै २०४८ सालको कर्मचारी आन्दोलनमा समेत सहभागी थापालाई पुरस्कृत गरिएको मनोज स्मृति प्रतिष्ठानका अध्यक्ष कुमार आचार्यले बताएका छन् । 

उक्त कर्मचारी आन्दोलनका क्रममा २०४८ साल साउन १५ गते प्रहरीको गोली लागेर सहिद मनोज जोशीले सहादत प्राप्त गरेको थिए । सरकारले २०७४ माघ २२ गते जोशीलाई सहिद घोषणा गरेको थियो । ‘शिक्षा, कला, साहित्य, संस्कृति र सामाजिक क्षेत्रमा योगदान पुर्‍याउनु भएकाले उहाँलाई पुरस्कृत गरिएको हो,’ आचार्यले भने,‘उहाँ कर्मचारी आन्दोलनमा सहभागी पनि हुनुहुन्थ्यो ।’