भक्तपुर — मीनकुमारी राणा प्रतिष्ठानले समाजसेवी स्वर्गीय मीनकुमारी राणाको तेस्रो पुण्यतिथिमा प्रदान गरिने ‘प्रजातन्त्र सेनानी, वरिष्ठ पत्रकार एवं वरिष्ठ खेलाडी’ पुरस्कारका उपयुक्त पात्र छनोटका लागि प्रतिष्ठानका अध्यक्ष कवीर राणाको संयोजकत्वमा पाँच सदस्यीय समिति गठन गरेको छ ।

प्रतिष्ठानले हरेक वर्ष मीनकुमारी राणाको वार्षिक पुण्यतिथिमा तीन विधामा पुरस्कार र एक विद्यालयलाई छात्रवृत्ति प्रदान गर्दै आएको प्रतिष्ठानका महासचिव रवि राणाले जानकारी दिए । अध्यक्ष राणाको संयोजकत्वमा गठित समितिमा वरिष्ठ साहित्यकार डा ध्रुवचन्द्र गौतम, वरिष्ठ पत्रकार हरिहर विरही र प्रजातन्त्र सेनानी माथवरसिंह बस्नेत छन् भने सदस्य सचिवमा महासचिव रवि राणा छन् । 

प्रतिष्ठानका अनुसार सबै पुरस्कारको राशि ५१ हजार एक रुपैयाँ छ । तेस्रो पुण्यतिथिका दिन दिवंगत मीनकुमारी राणाको प्रतिमा अनावरण तथा मीनकुमारी राणा मार्गको नामकरण गरिनेछ ।