काठमाडौँ — शरीरमा युरिक एसिड बढ्दै जाँदा खुट्टामा पीडा, गोलीगाँठा सुन्निने र हिँडडुल गर्न समस्या हुन्छ । लामो समयसम्म उपचार नगर्दा यसले ठूलो रुप लिन्छ र स्वास्थ्यमा गम्भीर समस्या उत्पन्न हुनसक्छ । 

तर सुरुवातमै आफ्नो जीवनशैलीमा सुधार ल्याउने हो भने युरिक एसिडको समस्याबाट पार पाउन सकिन्छ । यदि युरिक एसिड छ भने पनि केही घरेलु उपायले कम गर्न सकिन्छ । यहाँ उल्लेखित पाँचवटा योगासन छन् जो शरीरमा रहेको अतिरिक्त युरिक एसिड कम गर्न सहयोगी बन्न सक्छन् । 

वज्रासन

यो एकमात्र यस्तो आसन हो जो खाना खाइसकेपछि पनि गर्न सकिन्छ । यसले पाचनमा सुधार ल्याउँछ । जसकारण युरिक एसिड बन्ने सम्भाना कम हुन्छ । 

यसका लागि सबैभन्दा पहिला आफ्ना दुवै खुट्टालाई मोडेर घुँडाको बलले बस्नुहोस् । पिठ्यूँ सिधा राख्नुहोस् र दुवै हात घुँडामाथि राख्नुहोस् । दैनिक १०–१५ मिनेट यो आसनमा बस्दा यसको प्रभाव छिट्टै देखिन थाल्छ । 

पवनमुक्तासन

यो आसनले शरीरमा रहेका टक्सिन्स बाहिर निकाल्न सहयोग गर्छ । जसले युरिक एसिड पनि कम हुन्छ । 

यो आसन गर्नका लागि उत्तानो परेर घुँडालाई अगाडितर्फ मोड्दै छातीनजिक पुर्‍याउनुहोस् । दुवै हातले घुँडालाई समातिराख्नुहोस् । टाउँको उठाएर घुँडानजिक पुर्‍याउनुहोस् । ३० सेकेन्डसम्म यतिकै रोकिने र विस्तारै पुरानै अवस्थामा फर्किनुहोस् । 

भुजङ्गासन

यसले शरीरमा रक्तसञ्चारलाई चुस्त बनाउँछ र मिर्गौलाको कार्यक्षमता पनि बढाउँछ । जसले युरिक एसिडलाई शरीरबाट बाहिर निकाल्न सहयोग गर्छ । 

यसका लागि दुई हात भुइँमा टेकेर छातीलाई माथि राख्नुहोस् । पुस अप गरेजस्तै तर घुँडासम्म भुइँमा छुनुहोस् । केही सेकेन्ड यत्तिकै रोकिसकेपछि फेरि पुरानै अवस्थामा फर्किनुहोस् । 

त्रिकोणासन

यो आसनले शरीरलाई डिटोक्स राख्न सहयोग गर्छ । र गोलीगाँठामा जमेको युरिक एसिडलाई कम गर्छ । यसका लागि दुवै खुट्टा फैलाउनुहोस् । र एक हात भुइँमा टेकेर अर्को हात माथि उठाउनुहोस् । टाउकोलाई माथि उठाइएको हातको दिशातिर फर्काउनुहोस् । यो आसन दैनिक ३०–३० सेकेन्टको फरकमा दुवैतर्फ केही समयका लागि गर्नुहोस् । 

शलभासन