काठमाडौँ — एकाध दिनको झरीपछि देशैभर गर्मी मौसम सुरु भएको छनक मिलेको छ । गर्मी सुरु भएसँगै खानपानका विशेष ध्यान त दिनैपर्‍यो । गर्मी मौसममा डिहाइड्रेसन र हिट स्ट्रोक हुने धेरै सम्भावना हुन्छ । खानपानमा विशेष ध्यान दिएर यी समस्याबाट बच्न सक्छौं ।

पानी र फलफूलमा जोड दिनुहाेस्
गर्मीमा डिहाइड्रेसन हुन नदिन उपयुक्त मात्रामा पानी सेवन गर्नुपर्छ । फलफूल पनि खानुपर्छ । विशेषगरी खरबुजा फाइदाजनक हुन्छ । यसमा पानीको मात्रा बढी हुन्छ । खरबुजा स्वास्थ्यवर्द्धक हुनुका साथै यसको स्वाद पनि मिठो हुन्छ । 

हरियो सागपात र सलाद खानुहाेस्
गर्मी मौससमा हरियो सागपातमा जोड दिनुपर्छ । हरियो सागपातमा फाइबरको मात्रा बढी हुन्छ । यसले तौल नियन्त्रण राख्न मद्दत गर्छ । विभिन्न थरीका सलाद खाँदा पोषण र स्वाद दुवै पाउन सकिन्छ ।