पाँचथर — पाँचथरमा पहिरोले पुरेर आमाछोरीसहित हालसम्म तीन जनाको मृत्यु भएको छ । फिदिम १ र ४ मा मा ३ जनाले ज्यान गुमाएका छन् भने ५ जना बेपत्ता छन् ।

फिदिम-१ मा गएको पहिरोमा परि स्थानीय ५० वर्षका गोपी विश्वकर्माको निधन भएको छ । यस्तै फिदिम ४ मा आदीवासी जनजाती महासंघको भवन सँगै रहेको घरमा सुतिरहेका बखत खसेको पहिरो ले पुर्दा फिदिम १२ की २४ वर्षीया सपना र उनकी ५ वर्षीया छोरी डोल्मा शर्पाको घट्नास्थलमै ज्यान गएको हो ।

फिदिम-१ फेमेखोला नजिकै पहिरो जाँदा कृष्ण दाश, कमला दाश, राजेश तुम्बापो,उनकी श्रीमती सरस्वती तुम्बापो र धनकुमार तुम्बापो बेपत्ता रहेको प्रहरीले जनाएको छ ।